UTPAL JUNIOR TEACHERS AND STUDENTS DURING THEIR DRY PINIC AT CHELELA

you are Awesome my dear

you cannot be what you don't want to become so be what ever you want but i like way you are !!!!!!! 

Nature are to be loved 

ཞེ་སྡང་ལྟ་བུའི་སྡིག་པ་མེད།

༉ ཧེ་མ་གི་དུས་ཅིག་ན་ གཡུས་དགའ་གླིང་ཟེར་ས་ལུ་ བློན་པོ་ རིག་ལྡན་ཆོས་གྲགས་དང་ བཙུནམོ་ལྷ་མཚམས་ཟེར་ རྒྱུ་ནོར་ སྟོབས་ཤུགས་དང་དབང་ཚད་ གནམ་མེད་ས་མེད་ ཡོད་མི་འདི་ལུ་ བུམོ་མགུ་ཏོསྦུལ་དང་ གཟུགས་མི་འབད་མི་ཅིག་སྐྱེས་ནུག ། དེ་ལས་ བློན་པོ་དང་བཙུནམོ་གཉིས་ཀྱི་ཨ་ལོ་འདི་ མི་གཞན་ ག་ལུ་ཡང་ མ་བཏོན་པར་ དུས་ཨ་རྟག་ར་ གཟིམ་ཅུང་ནང་བཙུགས་བཞག་སྟེ་ ལོ་ལེ་ཤ་ཅིག་ སོང་ཡོདཔ་ལས་ བུམོ་འདི་ ཕྱི་ཁར་ལས་ཕར་ བཤལ་བ་འགྱོ་དགོ་མནོ་ ཕྱིའི་མི་དང་ འབྲེལ་བ་འཐབ་དགོ་མནོ་བའི་ རེ་བ་སྦོམ་ཡོད་རུང་ ཕམ་གཉིས་ཀྱིས་ རྩ་ལས་རང་ ཁྱིམ་གྱི་སྒོ་འགལ་ཏེ་ གཞན་ཁ་ལུ་ འགྱོ་ནི་དང་ ཕྱིའི་མི་དང་ འབྲེལ་བ་འཐབ་ནིའི་ གོ་སྐབས་མ་བྱིན་པ་བཞགཔ་ལས་ བུམོ་འདི་ཡང་ འཇིག་རྟེན་འདི་ནང་ སྐྱེ་བ་ལེན་ཐངས་ལུ་བལྟ་སྟེ་ སྙིང་ཐག་པའི་སྒོ་ནས་ ཞན་པ་ལོག་སྟེ་སྡོད་ནུག །

གནས་སྟངས་འཁྲུལ་བའི་ སྡུག་བསྔལ་མྱོང་སྡོད་པའི་སྐབས་ལུ་ དགའ་གླིང་གི་གཡུས་འདི་ནང་ལུ་ ངོ་མཚར་ཆེ་བའི་ གཞན་དང་མ་འདྲ་བའི་ དྲང་སྲོང་ ཚེ་འདི་ཕྱི་གཉིས་ཀྱི་ ལས་ཀྱི་རྣམ་པར་སྨིན་པའི་འབྲས་བུ་ མངོན་ཤེས་གཟིགས་ཚུགས་མི་ དྲང་སྲོང་གཞན་དོན་གྲུབ་པ་ཟེར་མི་འདི་ གཡུས་འདི་ནང་ལུ་ གནས་བསྐོར་བྱོན་པའི་སྐབས་ལུ་ བློན་པོ་དང་ བཙུནམོ་གཉིས་ཀྱི་ཐུགས་བསམ་ལུ་ ང་བཅས་གཉིས་ཀྱི་བུམོ་འདི་ཡང་ ཚེ་ཧེ་མ་ ལས་ངན་ག་ཅི་གིས་ རྣམ་སྨིན་ལས་བརྟེན་ ཚེ་ད་ལྟོ་ དེ་བཟུམ་གྱི་ལུས་རྟེན་འདི་ལུ་ སྐྱེ་བ་ལེན་ལེནམ་ཨིན་ན་ཟེར་ མངོན་ཤེས་གཟིགས་བཅུག་ནི་གིས་དོན་ལུ་ དྲང་སྲོང་གཞན་དོན་གྲུབ་པ་འདི་ ཁོང་གཉིས་ཀྱི་གཟིམ་ཅུང་ནང་ལུ་ གདན་འདྲེན་ཞུ་སྟེ་ ཁོང་གཉིས་ཀྱི་བུམོ་འདི་ དྲང་སྲོང་གི་སྐུ་མདུན་ལུ་བསྐྱལ་ནུག །

མངོན་ཤེས་ཅན་གྱི་ དྲང་སྲོང་འདི་གིས་ བུམོ་མགུ་ཏོ་སྦུལ་དང་ གཟུགས་མི་འབད་མི་འདི་མཐོངམ་ཅི་ དྲང་སྲོང་གི་ཕྱག་ མོ་གི་ལག་པ་བཟུང་ཞིནམ་ལས་ ཐད་ཀར་དུ་ མངོན་ཤེས་གཟིགས་འདི་ ཁོང་བཟའ་ཚང་ཚུ་ལུ་ དེ་སྦེ་གསུངས་ནུག །

ཧེ་མ་ གཡུས་དགའ་ལྡན་གྱི་ རྒྱལཔོ་གསེར་རྒྱལ་དང་ བཙུནམོ་ནོར་བུ་ཟེར་མི་འདི་ལུ་ བུམོ་ གནམ་མེད་ས་མེད་ འཇའ་རིསམོ་ གཞན་དང་མ་འདྲཝ་ སྒྲ་འཛིན་ལྷ་མོ་ཟེར་མི་ཅིག་ཡོད་མས་ བུམོ་འདི་ དུས་ཨ་རྟག་ར་ དཀར་པོ་དགེ་བའི་ལཱ་ལུ་ བརྩོན་མི་ཅིག་འབད་སྡོད་ནུག ། དུས་ནམ་ཅིག་གི་ཚེ་ མོ་མཆོད་རྟེན་བསྐོར་ར་རྐྱབ་པ་ འགྱོ་བའི་ལམ་ཁར་ ཤིང་སྦོམ་ཅིག་ ཡོད་མི་འདི་གི་ རྩ་བ་ལྷོདཔ་ད་ ཤིང་གི་གུར་ བྱ་ཨོ་ལ་གི་ ཚང་བཅའ་ཡོདཔ་ལས་ ཨོ་ལ་གིས་ ཨ་ཝ་གཏང་པའི་སྐབས་ལུ་ ཕྲང་ཕྲང་མོ་གི་མགུ་ཏོ་གུ་ཕོགཔ་ད་ མོ་ཞེ་སྡང་མེ་བཟུམ་འབར་ཏེ་ གདོང་གི་བཀྱག་ཡང་འགྱུར་ སྐད་རྐྱབ་སྡོད་པའི་བར་ན་  ཨཔ་ཅིག་དང་ ཨམ་ཅིག་ མཆོད་རྟེན་བསྐོར་བ་འོང་ས་མཐོངམ་ལས་ མོ་གིས་ ཨ་ནི་ཤིང་འདི་ མི་འགྱོ་སའི་ ལམ་ཁར་རྩ་ལས་མི་བཏུབ་པས་ ཤིང་གི་གུ་ ག་ར་ཨོ་ལ་གི་ ཚང་ཨིནམ་ལས་ ཨོ་ལ་ཚུ་གིས་ ཨ་ཝ་གཏང་པའི་སྐབས་ལུ་ ལམ་བདའ་འགྱོ་མི་ཚུ་གི་ གཟུགས་ལུ་ཕོགཔ་ཨིན་མས་ ཨ་ན་བལྟ་ཤིག་ ང་གི་མགུ་ཏོ་གུ་ཡང་ཕོག་ཡི་ཟེར་ ཞེ་སྡང་མེ་བཟུམ་འབར་ཏེ་ ཨཔ་དང་ཨམ་འདི་ལུ་ ཤིང་འདི་ རྩ་བ་ལས་ བཏོག་གཏང་བཅུག་ནུག །

དེ་བསྒང་གི་ ཤིང་བཏོག་མི་ ཨཔ་དང་ཨམ་འདི་ ད་ལྟོ་ བློན་པོ་ཁྱོད་ར་དང་ ཁྱོད་ར་གི་ བཙུནམོ་འདི་ཨིན་མས། དེ་ལས་ དེ་བསྒང་གི་ ཞེ་སྡང་མེ་བཟུམ་འབར་ཏེ་ ཤིང་བཏོག་བཅུག་མི་འདི་ ད་ལྟོ་ ཁྱོད་རང་གཉིས་ཀྱི་བུམོ་འདི་ཨིན་མས། དེ་འབདཝ་ལས་ བུམོ་འདི་ ཧེ་མ་ གནད་དོན་ ཆུང་ཀུ་ཅིག་ལུ་བརྟེན་ ཞེ་སྡང་ལངམ་ལས་ ད་ལྟོ་གི་ མི་ཚེ་ནང་ལུ་ མགུ་སྦུལ་དང་ གཟུགས་མི་འབད་ སྐྱེ་བ་ལེན་དགོ་མི་འདི་ ཞེ་སྡང་ལངས་པའི་རྣམ་སྨིན་ཨིན་མས་ཟེར་གསུངས་ནུག ། དེ་ལས་ བློན་པོ་གིས་ ད་མོ་གིས་ མི་གཞན་དང་ འདྲ་མཉམ་འབད་སྡོད་ཐབས་འདུག་ག་ཟེར་ཞུཝ་ད་་་་་་་ དྲང་སྲོང་གིས་ དུས་ནམ་ར་འབད་རུང་ ཞེ་སྡང་མ་ལངས་པར་སྡོད་པ་ཅིན་ སྐྱེ་བ་འདྲ་མཉམ་འཐོབ་ཟེར་གསུངས་ནུག ། དེ་ལས་ བུམོ་འདི་གིས་ ཞེ་སྡང་ལྟ་བུའི་སྡིག་པ་མེད་ཟེར་མི་འདི་ བདེན་མས་སྨོ་་་་་་་་ ང་གི་མི་ཚེ་ནང་ དགའ་སྐྱིད་ཀྱི་ཉི་མ་ནུབ་སོང་མི་འདི་ ཞེ་སྡང་ལངས་པའི་ འབྲས་བུ་ཨིན་མས་་་་་ ད་་་་ དུས་ནཱ་ལས་ཕར་ སྐྱེ་བ་འདྲ་མཉམ་འཐོབ་ནི་དང་ མི་ཚེ་ནང་ལུ་ དགའ་སྐྱིད་ཀྱི་ ལོངས་སྤྱོད་ཕུན་སུམ་ཚོགས་ནིའི་དོན་དུ་ དུས་ནམ་ཡང་ ཞེ་སྡང་མི་ལངས་དགོ་ཟེར་ དམ་བཅའ་ཕུལ་ནུག །

A good friend can tell you what the matter with you is in a minute. He may not seem such a good friend after telling.

གཞུང་གཡོགཔོ་གཞན་ལས་སློབ་དཔོན་ཁྱད་དུ་འཕགས།

སྤྱིར་བཏང་གི་རྒྱལ་ཁབ་ལུ་ཕྱག་ཞུ་མི་ གཞུང་གཡོགཔོ་ལེ་ཤ་དགོཔ་ཁག་ཆེ་བའི་ཁར་ ཕྱག་ཞུ་མི་ཡང་མང་རབས་ཅིག་ཡོད། དེ་ཡང་ རྩ་བ་གསུམ་ལུ་ཤ་ཚ་སྟེ་ ལྷག་བསམ་རྣམ་དག་གི་སྒོ་ལས་ ཕྱག་ཕྱིད་ཞུ་མི་འདི་ག་ནི་བ་དཀོནམ་ཨིན། ལ་ལོ་གིས་སྙན་གྲགས་ཀྱི་དོན་ལུ་ རང་རྐྱངམ་ཅིག་ མི་གི་གྱལ་ཁར་ཚུདཔ་བཟོ་ནི་ལུ་རྩ་འགེངསམ་ཨིན། དེ་འབདཝ་ལས་ རྒྱལ་ཁབ་འདི་ནང་ཞི་བདེ་བཟོ་ཐབས་ལུ་ མི་རྒྱུད་བཟང་པོ་དགོ་པ་ཅིན་ སློབ་དཔོན་བས་ལྷགཔ་ག་ཡང་མིན་འདུག དེ་ལས་བརྟེན་ རང་ལེགས་ཤོམ་བཟོ་ནི་དང་བདེ་བ་འཐོབ་དགོ་མནོ་བ་ཅིན་ མི་ཚེ་འདི་ནང་ལུ་སློབ་དཔོན་ཉག་ཅིག་གིས་བཟོཝ་མ་གཏོགས་ གཞན་མེདཔ་ལས་ ཁྱད་དུ་འཕགས་པ་ཅིག་ཨིན།

འཛམ་གླི་ནང་མི་ལྕོགས་གྲུབ་ཅན་ག་ར་ སློབ་དཔོན་ལུ་བརྟེན་ཏེ་འབྱུངམ་ཨིན། དེ་ཡང་ སྟོན་པ་བཅོམ་ལྡན་འདས་ཀྱིས་ ཕ་བླ་མ་མེད་པའི་གོང་རོལ་ནང་།། བུ་སངས་རྒྱས་བྱ་ཡི་མིང་ཡང་མེད།། བསྐལ་པ་སྟོང་གི་སངས་རྒྱས་དག། བླ་མ་དག་ལ་བསྟེན་ནས་འབྱུང་།། ཟེར་གསུངས་དོ་བཟུམ་སྦེ་ སངས་རྒྱས་ཡང་ སློབ་དཔོན་བསྟེན་ཏེ་སངས་རྒྱས་རྒྱསཔ་ར་ཨིན། འཛམ་གླིང་ནང་ མི་ཡོངས་གྲགས་ཅན་ཚུ་ག་ར་སློབ་དཔོན་ལུ་བརྟེན་ཏེ་འབྱུང་འབྱུངམ་ཨིན། དེ་མ་ཚད་ ཚན་རིག་མཁས་པ་དང་དྲུང་འཚོ་ཚུ་ཡང་ སློབ་དཔོན་མེད་པ་ཅིན་མཁསཔ་འབྱུང་མི་སྲིད། སློབ་དཔོན་འདི་གཞུང་གཡོགཔོ་ཚུ་གི་རྒྱབ་རྟེན་བཟུམ་ཅིག་ཨིན། གོངམ་དཔོན་ལས་འགོ་བཟུང་ འོགམ་ཡིག་ཚང་ནང་ཕྱག་ལཱ་མཛད་མི་ཚུ་ སློབ་དཔོན་ལས་བརྟེན་ཏེ་འབྱུང་ནི་འདི་གིས་ཀརྨ་འཆང་མེད་ཀྱིས་ ཡོན་ཏན་ནོར་བུ་བརྩེགས་པའི་རྒྱལ་པོ་འགྱུར།། ཟེར་གསུངས་བཞག་ནུག འདི་འབད་ནི་འདི་གིས་ ང་བཅས་མཁསཔ་འགྱོ་ནིའི་དོན་ལུ་སློབ་དཔོན་འདི་མེད་ཐབས་མེདཔ་ཅིག་ཨིན།དེ་དང་ཅིག་ཁར་སློབ་དཔོན་འདི་ཡོན་ཏན་ཀུན་གྱི་གཞི་རྟེན་ཅིག་ཨིན་ལས་རྒྱལ་སྲས་ཞི་བ་ལྷས་ ཡོན་ཏན་གྱི་ཞིང་བླམ་དང་སློབ་དཔོན་ཨིན་ཟེར་གསུངས་ནུག

རབ་དཀར་རི་བོང་འཛིན་གྱིས། །མཚན་མོའི་མུན་པ་སེལ་བཞིན། །སློབ་ཕྲུག་ཀུན་གྱི་མུན་པ། །སློབ་དཔོན་ཚུ་གིས་སེལཝ་ཨིན། ། ཟེར་བའི་རང་རྩོམ་དང་ཅིག་ཁར་ ངེའི་སྙིང་གི་བློ་གཏད་ ཆ་རོགས་ཕོ་མོ་ཚུ་གིས་ སྙིང་ཐག་པའི་སྒོ་ལས་ སློབ་དཔོན་ལུ་གུས་ཞབས་དང་ བརྩི་བཀུར་ཐུགས་ལས་ཡལ་མ་སོང་པར་ དུས་རྟག་ཏུ་ཧིང་གི་གཏིང་ལུ་མདུད་ཕུད་བཏབ་སྟེ་ ཐུགས་ལུ་བསྣམས་ཟེར་ཞུ་ནི་ཨིན།

ཤེས་རིག་ཡོན་ཏན།

ཡོན་ཏན་བལྟ་བའི་མིག་ཏོ། །ཡོན་ཏན་མནོ་བའི་དོན་ཧིང་། །

ཡོན་ཏན་བསམ་དོན་འགྲུབ་པའི་ནོར་བུ་ཨིན། །

༉ མི་རང་སོའི་ལྕོགས་གྲུབ་རབ་འབྲིང་ཐ་གསུམ་ ག་ཅི་རང་ཨིན་རུང་ གཙོ་བོ་ཡོན་ཏན་ལུ་རག་ལསཔ་ཨིན། རང་ལུ་ཡོན་ཏན་ལྷབ་སྦྱང་འབད་དེ་ རིག་པ་ཡར་འཕེལ་འགྱོ་བཅུག་པ་ཅིན་ ཆོས་སྲིད་གཉིས་ཀྱི་བྱ་བ་ག་ཅི་རང་ འབད་རུང་འབད་མ་ཚུགས་པའི་དཔེ་མི་སྲིད། དེ་བཟུམ་སྦེ་ ལྕོགས་གྲུབ་དང་ལྡནམ་བཟོ་ནིའི་དོན་ལུ་ དུས་ཡུན་ཐུང་ཀུ་ཅིག་ཡང་མ་ཆད་པར་ ཤེས་བྱའི་ཡོན་ཏན་ལུ་བརྩོན་པ་ཅིན་ མིའི་སྦུག་ལུ་བཟང་ལམ་ལམ་དང་ དཔའ་ཉམས་བསྐྱེད་ཚུགས་པའི་ནུས་པ་ཐོབ་ཚུགསཔ་ཨིན། དེ་འབདཝ་ལས་ ཡོན་ཏན་ལུ་བརྩོན་དགོཔ་འདི་་གལ་ཆེ་ཤོས་ཅིག་ཨིན།

ཡོན་ཏན་དང་ལྡན་པའི་མི་འདི་ རིགས་རྒྱུད་བཟང་དྲག་དང་ རྒྱུ་ནོར་ལོངས་སྤྱོད་ མེད་རུང་བཏུབ་ཨིན། དེ་ཡང་ཨ་མའི་བུ་ལ་ཡོན་ཏན་ཡོདན། དགའ་ལྡན་ཁྲི་ལ་བདག་པོ་མེད། ཟེར་སླབ་དོ་བཟུམ་ རྟག་པ་དང་སྙིང་པོ་ ག་ནི་ཡང་མེད་པའི་རྒྱུ་ནོར་ལོངས་སྤྱོད་དང་ རིགས་མཐོ་དྲག་ གོ་གནས་སྦོམ་མེད་རུང་ ཚེ་འདི་ཕྱི་གཉིས་ལུ་ ཕན་པའི་ཡོན་ཏན་ཡོད་པ་ཅིན་ གོ་ས་མཐོ་བའི་ དཔོན་ དམ་པའི་ཚུལ་དགུ་དང་ལྡན་པའི་བླམ་ སྐྱེས་བུ་དམ་པ་ལ་སོགས་པའི་ཁྲི་ཚུ་ ངེ་གི་ཨིན་ ང་ཐོབ་ཟེར་ བདག་ཏུ་བཟུང་སྟེ་མེད་པར་ རང་གི་ལྕོགས་གྲུབ་དང་བསྟུན་ཏེ་ སྡོད་ཚུགས་པའི་དབང་ཚད་ཐོབ་ཚུགསཔ་ཨིན།  རྒྱུ་ནོར་ལོངས་སྤྱོད་འདི་གིས་ འཕྲལ་གྱི་བདེ་བ་ཆུང་ཀུ་རྐྱངམ་ཅིག་ སེལ་ཚུགསཔ་མ་གཏོགས་ ཕུགས་ལུ་སྡུག་བསྔལ་དང་ཕུང་ལུ་འགྱུར་བའི་གཞི་ངོ་མ་ཅིག་ཨིན། དེ་འབདཝ་ལས་ རྒྱུ་ནོར་ལོངས་སྤྱོད་ལུ་ཆགས་པ་དང་ཞེན་པ་ཤུགས་མ་ཆེ་བར ཡོན་ཏན་ལུ་ བརྩོན་དགོཔ་འདི་ཧ་ཅང་གིས་གལ་ཆེ།

རང་ལུ་དགོ་པའི་ཡོན་ཏན་དེ། །ཉི་མ་རེ་ལ་ཚིག་རེ་བཟུང་། །

གྲོག་མཁར་དང་ནི་སྦྲང་རྩི་ལྟར། །རིང་པོར་མི་ཐོགས་མཁས་པར་འགྱུར། །

ངོ་རིས་དང་གཟུགས་གཞི།

གནམ་བྱཱར་གྱི་དུས་ལུ་ སྤང་གཤོང་ག་ར་ སྔོ་ལྗ་གཡུ་ལོ་བཀོད་པའི་ ཞིང་ཁམས་བཟུམ་སྦེ་ ཧོ་ལྡེམ་ལྡེམ་ཡོད་པའི་ཁ་ལུ་ ཆརཔ་ཡང་བདུད་རྩི་བཟུམ་སྦེ་འབབ་སྟེ་ འགྲོ་བ་ག་ར་ སྤྲོ་ཉམས་ཀྱི་དཔལ་ལུ་ལོངས་སྤྱོད། མེ་ཏོག་གི་རིགས་ དཀར་སེར་དམར་ལྗང་ཚུ་ ག་ནི་བ་ལེགསཔ་སྦེ་ཤར་སྟེ་ ལྷ་ཡུལ་བཟུམ་མའི་མཐོང་སྣང་ལུ་གྱུར་རུང་ དགུན་གྱི་དུས་ལུ་  སད་སེར་བ་མོ་ཕྲག་དོག་ལངས་ཏེ་ མཛེས་པའི་སྤང་གཤོང་གི་མདོག་ཡལ་ མེ་ཏོག་དང་རྩི་ཐོག་ག་ར་སྐམ། སྤང་ག་ར་ཐལཝ་གིས་གང་སྟེ་ ག་ཏེ་བལྟ་རུང་ མ་མཛེས་པའི་ཡུལ་ལུ་འགྱུར། ཆུ་ཡང་འཁྱེགས་ཆགས། ཉིན་ཞག་བཅད་དེ་འགྱོ་རུང་ ཧེ་མ་གནམ་བྱཱར་གྱི་དུས་ལུ་མཐོང་མི་ མཛེས་པའི་ཡུལ་དེ་ རྩ་ལས་མཐོང་ནི་མེདཔ་སྦེ་འགྱོཝ་ཨིན།

དེ་བཟུམ་སྦེ་ ང་བཅས་ར་ཆ་ཁྱབ་ཀྱི་ ག་ནི་བ་ལེགས་པའི་ ཙཱ་རི་གནས་ཀྱི་མྱུག་མ་འདྲ་བའི་གཟུགས་འདི་ ནམ་ཅིག་གི་དུས་ལུ་ སྟོབས་ཉམས་ཏེ་ མཛེས་པའི་རྣམ་འགྱུར་བཏོན་ཏེ་ འཁྱུག་འཁྱུག་ལྡེམ་ལྡེམ་སྦེ་འགྱོ་ནི་ ཕར་བཞག་ ལམ་འགྱོ་བའི་ཚེ་ འཁརཝ་ལུ་བརྟེན་དགོཔ་ད་ སྡོད་པའི་ཚེ་ ཕྲང་ཕྲང་སྡོད་མ་ཚུགས་པའི་ཁར་ ལོང་པའི་ཚེ་ཡང་ རང་བཞིན་གྱིས་ ལོང་མ་ཚུགས་པར་ ལགཔ་གཉིས་ཆ་ར་ ས་ཁར་བཙུགས་ཏེ་ རོ་ཁྱི་བཟུམ་བཟོ་སྟེ་ ལོང་དགོ་ནི་ཨིན་མས།

མེ་ཏོག་པད་མ་དང་འདྲ་བའི་ གདོང་གི་དཀྱིལ་འཁོར་འདི་ཡང་ ལེགས་པའི་ཁ་དོག་ཡལ་ཏེ་ གཉེརམ་གིས་གང་ མ་མཛེས་པའི་ཁྲོ་གཉེར་ཅན་ལུ་འགྱུར་ཏེ་ དབང་པོ་སྒོ་ལྔ་ ག་ར་ཉམས་ནི་ཨིནམ་ལས་ མི་རྩ་རྒས་བཟུམ་ལུ་འགྱུར་ཏེ་ གཞན་གྱིས་བརྙས་བཅོས་འབད་དེ་ མེས་མེད་བསྐྱུར་ཏེ་ ཚོད་བལྟ་བ་གིས་མ་ཚད་ མགུ་ཏོག་ཁ་ལས་འཛེགས་ཏེ་འོང་རུང་རང་ ག་ནི་ཡང་འབད་མ་ཚུགསཔ་ལས་གནམ་མེད་ས་མེད་ ཕམ་སྟེ་སྡོད་དགོཔ་འབྱུངམ་ཨིན།

སློབ་དཔོན་འཕགས་པ་ཀླུ་སྒྲུབ་ཀྱིས་་་་་་་ རིགས་དང་གཟུགས་དང་ཐོས་པ་ལང་འཚོ་དང་། །དབང་ཐང་ཆེ་བའི་རྒྱགས་པ་དགྲ་བཞིན་གཟིགས། ། ཟེར་གསུངས་དོ་བཟུམ་ གཟུགས་གཞི་ལེགས་ཤོམ་དང་ངོ་རིས་འཇའ་རིསམོ་ལུ་ བརྟེན་པའི་ང་རྒྱལ་ལུ་ གཙོ་བོར་བཏོན་ནི་སྤང་དགོཔ་འདི་གལ་ཆེ། །

Dragonflies

with my friend during religious discourse