Monday, January 9, 2017

Friday, September 2, 2016

Myself  with my dear Jamyang Dema in Perth, Australia 

Friday, October 30, 2015

འབྲུག་རྒྱལ་བཞི་པ།
འཛམ་གླིང་ཡོངས་ཀྱི་བདག་པོ་སྤྱན་རས་གཟིགས་ཀྱི་སྤྲུལ་པ། །
ཆོས་ལྡན་འབྲུག་མི་ཚུ་གི་བསླུ་བ་མེད་པའི་སྐྱབས་མགོན། །
བསམ་དོན་རེ་བའི་སྡོང་པོ་གཅེས་པར་བསྐྱངས་པའི་ཕ་མ། །
ས་སྐྱོང་བཞི་པ་སྐུ་ཚེ་ཁྲི་ལོ་བརྟན་པའི་སྨོན་ལམ། །

འབྲུག་ལུ་མ་རུང་ཕྱི་ཡི་དགྲ་རྣམས་ཐལ་བ་བརླག་མཁན། །
རྒྱལ་ཡོངས་དགའ་སྐྱིད་དཔལ་འཛོམས་གསར་བཙུགས་མཛད་པའི་ནོར་བུ། །
མི་སེར་རྟག་ཏུ་བདེ་བར་བཀོད་པའི་ཆོས་ལྡན་རྒྱལ་པོ། །
ས་སྐྱོང་བཞི་པ་སྐུ་ཚེ་ཁྲི་ལོ་བརྟན་པའི་སྨོན་ལམ། །

དཔའ་མཛངས་ཅན་གྱི་སྤྲུལ་པའི་བྱང་ཆུབ་སེམས་པའི་རྒྱལ་པོ། །
སྐུ་ཚེ་ཉི་ཟླ་བཞིན་དུ་འགྱུར་བ་མེད་པར་གནས་ནས། །
ས་སྐྱོང་བཞི་པ་སྐུ་ཚེ་ཁྲི་ལོ་བརྟན་པའི་སྨོན་ལམ། །
ཨུཏྤལ་སློབ་གྲྭའི་བཟའ་ཚང་ཡོངས་ལས་བཀྲ་ཤིས་ལེགས་སྨོན། །






Friday, June 19, 2015

UTPAL JUNIOR TEACHERS AND STUDENTS DURING THEIR DRY PINIC AT CHELELA



Wednesday, June 3, 2015

you are Awesome my dear

you cannot be what you don't want to become so be what ever you want but i like way you are !!!!!!! 

Nature are to be loved 

Thursday, January 29, 2015

ཞེ་སྡང་ལྟ་བུའི་སྡིག་པ་མེད།
༉ ཧེ་མ་གི་དུས་ཅིག་ན་ གཡུས་དགའ་གླིང་ཟེར་ས་ལུ་ བློན་པོ་ རིག་ལྡན་ཆོས་གྲགས་དང་ བཙུནམོ་ལྷ་མཚམས་ཟེར་ རྒྱུ་ནོར་ སྟོབས་ཤུགས་དང་དབང་ཚད་ གནམ་མེད་ས་མེད་ ཡོད་མི་འདི་ལུ་ བུམོ་མགུ་ཏོསྦུལ་དང་ གཟུགས་མི་འབད་མི་ཅིག་སྐྱེས་ནུག ། དེ་ལས་ བློན་པོ་དང་བཙུནམོ་གཉིས་ཀྱི་ཨ་ལོ་འདི་ མི་གཞན་ ག་ལུ་ཡང་ མ་བཏོན་པར་ དུས་ཨ་རྟག་ར་ གཟིམ་ཅུང་ནང་བཙུགས་བཞག་སྟེ་ ལོ་ལེ་ཤ་ཅིག་ སོང་ཡོདཔ་ལས་ བུམོ་འདི་ ཕྱི་ཁར་ལས་ཕར་ བཤལ་བ་འགྱོ་དགོ་མནོ་ ཕྱིའི་མི་དང་ འབྲེལ་བ་འཐབ་དགོ་མནོ་བའི་ རེ་བ་སྦོམ་ཡོད་རུང་ ཕམ་གཉིས་ཀྱིས་ རྩ་ལས་རང་ ཁྱིམ་གྱི་སྒོ་འགལ་ཏེ་ གཞན་ཁ་ལུ་ འགྱོ་ནི་དང་ ཕྱིའི་མི་དང་ འབྲེལ་བ་འཐབ་ནིའི་ གོ་སྐབས་མ་བྱིན་པ་བཞགཔ་ལས་ བུམོ་འདི་ཡང་ འཇིག་རྟེན་འདི་ནང་ སྐྱེ་བ་ལེན་ཐངས་ལུ་བལྟ་སྟེ་ སྙིང་ཐག་པའི་སྒོ་ནས་ ཞན་པ་ལོག་སྟེ་སྡོད་ནུག །
གནས་སྟངས་འཁྲུལ་བའི་ སྡུག་བསྔལ་མྱོང་སྡོད་པའི་སྐབས་ལུ་ དགའ་གླིང་གི་གཡུས་འདི་ནང་ལུ་ ངོ་མཚར་ཆེ་བའི་ གཞན་དང་མ་འདྲ་བའི་ དྲང་སྲོང་ ཚེ་འདི་ཕྱི་གཉིས་ཀྱི་ ལས་ཀྱི་རྣམ་པར་སྨིན་པའི་འབྲས་བུ་ མངོན་ཤེས་གཟིགས་ཚུགས་མི་ དྲང་སྲོང་གཞན་དོན་གྲུབ་པ་ཟེར་མི་འདི་ གཡུས་འདི་ནང་ལུ་ གནས་བསྐོར་བྱོན་པའི་སྐབས་ལུ་ བློན་པོ་དང་ བཙུནམོ་གཉིས་ཀྱི་ཐུགས་བསམ་ལུ་ ང་བཅས་གཉིས་ཀྱི་བུམོ་འདི་ཡང་ ཚེ་ཧེ་མ་ ལས་ངན་ག་ཅི་གིས་ རྣམ་སྨིན་ལས་བརྟེན་ ཚེ་ད་ལྟོ་ དེ་བཟུམ་གྱི་ལུས་རྟེན་འདི་ལུ་ སྐྱེ་བ་ལེན་ལེནམ་ཨིན་ན་ཟེར་ མངོན་ཤེས་གཟིགས་བཅུག་ནི་གིས་དོན་ལུ་ དྲང་སྲོང་གཞན་དོན་གྲུབ་པ་འདི་ ཁོང་གཉིས་ཀྱི་གཟིམ་ཅུང་ནང་ལུ་ གདན་འདྲེན་ཞུ་སྟེ་ ཁོང་གཉིས་ཀྱི་བུམོ་འདི་ དྲང་སྲོང་གི་སྐུ་མདུན་ལུ་བསྐྱལ་ནུག །
མངོན་ཤེས་ཅན་གྱི་ དྲང་སྲོང་འདི་གིས་ བུམོ་མགུ་ཏོ་སྦུལ་དང་ གཟུགས་མི་འབད་མི་འདི་མཐོངམ་ཅི་ དྲང་སྲོང་གི་ཕྱག་ མོ་གི་ལག་པ་བཟུང་ཞིནམ་ལས་ ཐད་ཀར་དུ་ མངོན་ཤེས་གཟིགས་འདི་ ཁོང་བཟའ་ཚང་ཚུ་ལུ་ དེ་སྦེ་གསུངས་ནུག །
ཧེ་མ་ གཡུས་དགའ་ལྡན་གྱི་ རྒྱལཔོ་གསེར་རྒྱལ་དང་ བཙུནམོ་ནོར་བུ་ཟེར་མི་འདི་ལུ་ བུམོ་ གནམ་མེད་ས་མེད་ འཇའ་རིསམོ་ གཞན་དང་མ་འདྲཝ་ སྒྲ་འཛིན་ལྷ་མོ་ཟེར་མི་ཅིག་ཡོད་མས་ བུམོ་འདི་ དུས་ཨ་རྟག་ར་ དཀར་པོ་དགེ་བའི་ལཱ་ལུ་ བརྩོན་མི་ཅིག་འབད་སྡོད་ནུག ། དུས་ནམ་ཅིག་གི་ཚེ་ མོ་མཆོད་རྟེན་བསྐོར་ར་རྐྱབ་པ་ འགྱོ་བའི་ལམ་ཁར་ ཤིང་སྦོམ་ཅིག་ ཡོད་མི་འདི་གི་ རྩ་བ་ལྷོདཔ་ད་ ཤིང་གི་གུར་ བྱ་ཨོ་ལ་གི་ ཚང་བཅའ་ཡོདཔ་ལས་ ཨོ་ལ་གིས་ ཨ་ཝ་གཏང་པའི་སྐབས་ལུ་ ཕྲང་ཕྲང་མོ་གི་མགུ་ཏོ་གུ་ཕོགཔ་ད་ མོ་ཞེ་སྡང་མེ་བཟུམ་འབར་ཏེ་ གདོང་གི་བཀྱག་ཡང་འགྱུར་ སྐད་རྐྱབ་སྡོད་པའི་བར་ན་  ཨཔ་ཅིག་དང་ ཨམ་ཅིག་ མཆོད་རྟེན་བསྐོར་བ་འོང་ས་མཐོངམ་ལས་ མོ་གིས་ ཨ་ནི་ཤིང་འདི་ མི་འགྱོ་སའི་ ལམ་ཁར་རྩ་ལས་མི་བཏུབ་པས་ ཤིང་གི་གུ་ ག་ར་ཨོ་ལ་གི་ ཚང་ཨིནམ་ལས་ ཨོ་ལ་ཚུ་གིས་ ཨ་ཝ་གཏང་པའི་སྐབས་ལུ་ ལམ་བདའ་འགྱོ་མི་ཚུ་གི་ གཟུགས་ལུ་ཕོགཔ་ཨིན་མས་ ཨ་ན་བལྟ་ཤིག་ ང་གི་མགུ་ཏོ་གུ་ཡང་ཕོག་ཡི་ཟེར་ ཞེ་སྡང་མེ་བཟུམ་འབར་ཏེ་ ཨཔ་དང་ཨམ་འདི་ལུ་ ཤིང་འདི་ རྩ་བ་ལས་ བཏོག་གཏང་བཅུག་ནུག །

དེ་བསྒང་གི་ ཤིང་བཏོག་མི་ ཨཔ་དང་ཨམ་འདི་ ད་ལྟོ་ བློན་པོ་ཁྱོད་ར་དང་ ཁྱོད་ར་གི་ བཙུནམོ་འདི་ཨིན་མས། དེ་ལས་ དེ་བསྒང་གི་ ཞེ་སྡང་མེ་བཟུམ་འབར་ཏེ་ ཤིང་བཏོག་བཅུག་མི་འདི་ ད་ལྟོ་ ཁྱོད་རང་གཉིས་ཀྱི་བུམོ་འདི་ཨིན་མས། དེ་འབདཝ་ལས་ བུམོ་འདི་ ཧེ་མ་ གནད་དོན་ ཆུང་ཀུ་ཅིག་ལུ་བརྟེན་ ཞེ་སྡང་ལངམ་ལས་ ད་ལྟོ་གི་ མི་ཚེ་ནང་ལུ་ མགུ་སྦུལ་དང་ གཟུགས་མི་འབད་ སྐྱེ་བ་ལེན་དགོ་མི་འདི་ ཞེ་སྡང་ལངས་པའི་རྣམ་སྨིན་ཨིན་མས་ཟེར་གསུངས་ནུག ། དེ་ལས་ བློན་པོ་གིས་ ད་མོ་གིས་ མི་གཞན་དང་ འདྲ་མཉམ་འབད་སྡོད་ཐབས་འདུག་ག་ཟེར་ཞུཝ་ད་་་་་་་ དྲང་སྲོང་གིས་ དུས་ནམ་ར་འབད་རུང་ ཞེ་སྡང་མ་ལངས་པར་སྡོད་པ་ཅིན་ སྐྱེ་བ་འདྲ་མཉམ་འཐོབ་ཟེར་གསུངས་ནུག ། དེ་ལས་ བུམོ་འདི་གིས་ ཞེ་སྡང་ལྟ་བུའི་སྡིག་པ་མེད་ཟེར་མི་འདི་ བདེན་མས་སྨོ་་་་་་་་ ང་གི་མི་ཚེ་ནང་ དགའ་སྐྱིད་ཀྱི་ཉི་མ་ནུབ་སོང་མི་འདི་ ཞེ་སྡང་ལངས་པའི་ འབྲས་བུ་ཨིན་མས་་་་་ ད་་་་ དུས་ནཱ་ལས་ཕར་ སྐྱེ་བ་འདྲ་མཉམ་འཐོབ་ནི་དང་ མི་ཚེ་ནང་ལུ་ དགའ་སྐྱིད་ཀྱི་ ལོངས་སྤྱོད་ཕུན་སུམ་ཚོགས་ནིའི་དོན་དུ་ དུས་ནམ་ཡང་ ཞེ་སྡང་མི་ལངས་དགོ་ཟེར་ དམ་བཅའ་ཕུལ་ནུག །